真人分享—我們會繼續支援和關注被捕和受傷的朋友！

//大家好! 我係728被捕既情侶,今次出貼係因為我同幾位被捕人士見到好多人對612基金好有懷疑,雖然我地唔可以代表612基金解釋佢地既工作,但我可以俾你地知道612基金幫緊及將會幫助我地啲咩。(如果大家好有懷疑我地可以證明我地都係被捕人士)

首先612基金係承諾會幫助我地律師費。响呢度有幾個要點大家請留意一下:

第一、我地每個個案小則幾十萬,重則係要一二百萬律師費,以而家被捕人士既數量再乘返訴訟費用你就會知道612基金都有機會乾塘

第二話明訴訟費用,而家有幾多單案件已經審結?咁未審結有點會有帳單,未有帳單又點出數?

第三、義務律師係免費幫左我地由被捕到上庭保釋呢段時間,所以我728被捕都係8月尾入紙俾612基金申請援助,而到案件開審時佢地需要既人力物力會遠超大家想像,所以大家都請明白佢地點解唔可以免費幫晒我地。

而其他我地見得最多講話佢地無支援我地生活呢個絕對唔係事實,612基金係有支援我地 生活 電話 醫療 社工 工作介紹等,仲有好多係612基金主動詢問而係被義士拒絕,所以不存在要好煩瑣既手續,事實我地只需要提供保釋紙就可以好快得到支援。 而點解佢地Clam得慢係因為有大量既個案跟進緊,佢地需要同信託人傾。

而我地幾位被捕人士自發講出我地經歷唔係想分化大家以後淨係捐612基金而唔好捐其他機構,而我地係想比大家知道: 後期支出一定比前期支出大,如果而家停左捐款無人知之後會係點,同埋: 請大家可以將追擊612基金既時間對準返正確既位置,如果萬一612基金或者其他人出賣左我地,我地係會自己出聲,請唔好立亂代表我地 大家如果有疑問可以PM我,我會盡力答覆我知道既情況,謝謝!//

如果驚612基金呃錢既同我入嚟！ https://lih.kg/1578869

• 分享自 LIHKG 討論區